LODRAT ME THIKA

Dëgjova i mahnitur
sa çuditshëm luanin dy fëmijë.
Njëri vërtiste në ajër
thikën e mprehur me majë
dhe kërcënonte me shaka
bashkëmoshatarin e tij,
si të ishte një gladiator
përballë viktimës pa faj.

Mos, i thoshte pafajësia
me sy të frikësuar,
ç’po bën ashtu me thikë
si budalla, ore Gazi,
se po të shkau nga dora
ajo vjen drejt te mua!
Ai i përgjigjej:
“Le të shkasi, ty do të vrasi ! 

Atë çast pata një shoqërim
idesh të rastësishme;
Ja, si filloka qysh fëmijë
papërgjegjshmëria !...
Dhe shkon deri te zyrtari
me lodra të rrezikshme,
pa dashur të dijë
kush e pëson nga marrëzia...

 


Contact

Krijimtariaime

Vullnet Mato
Rr. Ali Baushi
Pallati 3 shk.7 ap.66
Tirana, ALBANIA


Tel: +355 4 236 5201
Cel: 069 2275145