VAJZA ENGJËLLORE E UNAZËS

Mbaj mbi shpinë shtatëdhjetë dimra me acare,
duke shtuar dhe ca muaj të vonë më shumë.
Por te stacioni i unazës një bukuri njëzetvjeçare,
më vështroi gjatë e sytë i mbetën tek unë.
Nuk ishte nga “ato” që lexohen tek balli,
kishte pamje dëlirësie dhe sjellje respekti.
Në autobus mu ngjit afër si pranë një djali
dhe fatorinos i tregoi një abone studenti.
Vajza nënqeshi ëmbël e shkoi dorën në gushë,
kafshoi buzën e shtjekëzat njomi disa herë.
Me bishtin e syrit druhesha mos i dukem pusht
dhe isha stepur përballë si një trung i prerë.
Më shigjetonte me ca sy zjarrmëtarë të ndezur,
teksa qëndroja gjithnjë si manekini mes vitrine.
Kur zbritëm, u ndamë me një buzagaz të heshtur.
Por gozhda e saj u ngul thellë në mendjen time.
Nuk e kuptova pse u magjeps ajo vajzë prej meje,
dhe ndoshta nuk kam për ta kuptuar asnjëherë.
Ç’priste nga një fytyrë dimri me flokë reje,
ajo fytyrë engjëlli me trupin lastar në pranverë?...

 


Contact

Krijimtariaime

Vullnet Mato
Rr. Ali Baushi
Pallati 3 shk.7 ap.66
Tirana, ALBANIA


Tel: +355 4 236 5201
Cel: 069 2275145