BUKURIA

Bukuria sa vjen
sytë po na rrëmben.
Gjithnjë e më tepër
na shton magjinë.
Kot thonë,
mashkulli bëhet si qen,
përderisa femra i rrit
magnetit fuqinë.
 
Bukuria shkul
nga trupi pleqërinë,
bën të ndjehesh befas
banor në tropik.
Të ngjall dëshirën,
të shton energjinë,
të deh papritmas
me avujt erotik.
 
Syri që bredh kudo
pa kufizimin e lirisë,
zhvesh në rrugë femrën
më të paarritshme,
shijon format e linjës,
të përsosmërisë
dhe bëhet në çast
më uri të përbindshme.
 
Por vetëdija e mban lidhur
si qenin me zinxhirë.
Shyqyr, o zot, ky shpëtim
nga bukuria, shyqyr!...

Contact

Krijimtariaime

Vullnet Mato
Rr. Ali Baushi
Pallati 3 shk.7 ap.66
Tirana, ALBANIA

Tel: +355 4 236 5201
Cel: 069 2275145