KAM DËSHIRË

^{Kam dëshirë e më pëlqen shumë,}

^{të jem sqepi i një zogu këngëtar,}

^{të jem vala që vrapon nëpër lumë,}

^{të jem rrëkeja që shket nëpër bar.}

^{Kam dëshirë e nostalgji të vjetër,}

^{të jem flutur që rend mbi lulishte,}

^{të jem ketër në një pyll të gjelbër,}

^{të jem gjinkallë nëpër degët ahishte.}

^{Kam dëshirë dhe ëndërroj shpesh herë,}

^{të jem gjethe në shushurima të plepit,}

^{të jem syri përgjimtar në një skifter,}

^{të jem frymë suferine te dallga e detit.}

^{Kam dëshirë e më rrëmben malli,}

^{të jem bri dreri që josh sorkadhet,} 

^{të jem përrua që gurgullon te zalli,}

^{të jem puthja diellore që zgjon malet.}

^{Kam dëshirë të ngarkuar me freskime,}

^{të jem re shiu mes vapës përvëluese,}

^{të jem thëngjill zjarri te vatrat jetime,}

^{të jem pikë loti te qerpiku i nuseve,}

^{Kam dëshirë e bëhem gati si i marrë,}

^{të jem bajrak kuqezi i shqipo emigrimit,}

^{të jem pikë gjaku për vëllamin kosovar,}

^{të jem gërshëra që pret shiritin e bashkimit...}